يابيتنا القديم
مفتتح
يابيتنا القديم
قولي…..
راحوا فين سكانك؟
أصبح ضلمة
من غيرأحبابك.
سكنته الأغراب
وبقينا ف عذاب
إنبارح كان عمار
بالأحبه والزوار
واللمه الحلوة وحشتنا
حوالين الطبليه جوه الدار
وكمان اللعب مع الصحاب
لما كنا صغار
كنا بنخاف علي بعضنا
ومكنش فينا خاين ولاغدار
كانت حلاوة من غيرنار
وكان الجار للجار
كنا بنضحك وقلوبنا خَضَار
وحوار ورا حوار لطلوع النهار
يابيتنا القديم ليا فيك
أجمل الذكريات
والأيام الحلوه والحكايات
راحوا الحبايب وسابوا القلب
مليان بالوجع والآهات
وبقت الحياة كلها مرار
يابيتنا القديم
جلال محمدكمال
2022/8/2
جامعة الشعوب الدولية للثقافة والإنسانية 
أضف تعليق