الهوّارة
الف خسارة ويا خسارة
الضرب بغزّة وأسوارا

وصراخ من الوجع تصيح
والدم بأرضا بيارا

والطفل الشبع من النهد
حامل بإيدو حجارة

غزّة بعيون المحتل
لغز محيّر أسرارا

مهما تتعب ما بتنهدْ
والحاميها ثوّارا

القصف عليها مالو حد
بس بيبقى إصرارا

يا عربي ما بدنا دموع
ولا تتأسّف بعبارة

ولا بدنا تشاركنا الجوع
ولا تهدينا إمارة

بدنا تكون لإلنا دروع
وللعادي جمرة ناره

غزّة يلّا حيّيها
وارفع للنصر الشارة

هيِّ الله حاميها
من كل دبّابة وغارة

زغرد زغرد يا بارود
واشبك ليلا بنهارا

رح منناضل لولا نموت
او منكفّي أحرارا

فاطمة البلطجي
لبنان /صيدا