من عز الطفوله .. أنسان أنه وميزان
وأمعدّل أبحچيي وبالعدل ماهر
وأتحكم أبطبعي وبي فصيح ألسان
وأنثر كل وفّـاي و وللچـذب ناهر
وأنزّل للطبايـع والقيم بأيمان
وأجمع بالخصال الباگـهن تاجـر
عـد روحي الوفه مَعلمْ صفه وعنوان
وبنكـرانهه ما صـدعت خاطـر
وأجروح الگلـب منك صفت نيشان
مابيهـن لعبت ولا صرت شاطر
وأمّنتّك على أسراري .. وكشفها أعلان
فوگ أشجاركم .. بـوراق تتناثر
يا طيف الخيانه البي صفه الوجدان
يحلم بالضمير النايم الباچـر
أمس بي آنه أذكرك من چنت ولهان
غير أحضان شعري ..!! چا صرت عاثر
أمس من چنت للحب ضامي بي عطشان
حمّلتك شغافي الإنته بي ناكر
وأمس من چنت غافي وتهذي بالنسيان
صححلك دليلي ..! وصار الك غافـر
يمن تتهمني ناكر للهوىٰ وسرحان
إصـحَّـه ..!! ورد دليلي الچـان الك ساتر
وأگـلّـك .. گبـل ما ثغرك حواله اسنان
أنَّـه بساسي المشاعر .! من صرت شاعر
بقلمي.. الشاعر حاكم بدر الأسدي.. العراق