اقرأ المكتوب
…………..
فتحت دفاتري اقرأ المكتوب
شفت بعيني الكتابة بالقلوب
مش واضح فيه الحروف
دب الخوف بقيت مرعوب
الدم بيهرب من وريدي
ليه يا دنيا الهم تزيدي
وأنا ماسك الكتاب بأيدي
مش عارف ايه المكتوب
روحت لعراف يفك الطلاسم
والرموز إللي فيه والمراسم
بأي لغة وعصر من العصور
نثر البخور وقام راسم
بأيده وكتب بعض العبرات
مخطوطة من زمن فات
بكلام مش مفهوم العبرات
تحب وتدوب العشق عليك مكتوب
خدني معاه لأبعد مكان
بحور اصداف لؤلؤ ومرجان
وسط الجنان بنات الحور
قصور مفيهاش روح إنسان
في وادي لقيت جواه كوخ
كل ساكنيه مالهوي مجروح
لوعة مالفراق أنين ونوح
الحب غذاء الروح والقلوب
للعشق راضى أبات مغلوب
وعن الحب ما عمري أتوب
حتى لو كان كله ذنوب
اللي انكتب مافي منه هروب
فين أروح من المكتوب
…….
بقلم.الشاعر
الأمير_محمود
جامعة الشعوب الدولية للثقافة والإنسانية 
أضف تعليق