رايح آنه وعيني مشغوله وتدور
صوب شخصك يلي ماعندك قصور
ومن كثر حب القلب صدگ غيور
وزين إذا حرگك مثل حرگ البخور
امعطّـر الجو والمحب يمك يدور
………………………….
آنه شمعه أعتلگت بظلمة هواك
وخلص منها النور وانتظرت ضواك
وما بقىٰ منها الأثر رادت رضاك
وترتجي منك تشم أجمل عطور
…………………………..
وهاي الك ترجيه بذنك من تروح
لا تظن انساك يمشافي الجروح
أبغيرك أصبح تايه وما بيه روح
انت بهجتنه وفرح وانت السرور
……………………………
لا يغرك عاذل و نمام أجاك
عنده وجهين الحجي ويرطن وراك
رايد أيبوگ الحجي ويصفه ابسماك
طير بُوم ..!! ومايحب لحن الطيور
…………………………..
انت شتلة فرح يا اجمل خليل
وانت دلة ضيفنه المتروسه هيل
وانت طيف امحبتي وي تالي ليل
حقه لو گلبي انتشه وصابه الغرور
……………………………
يا رقيق الطبع يا عفه وأمين
عاشرت روحك غزل حفنة سنين
ماشفت غير الوفه وصدق الحنين
وروحي هامت بيك يا أحلىٰ الزهور

بقلمي.. الشاعر حاكم الأسدي..العراق