…… ( زينب… والوداع الأخير..!!!)

بعد آخر صلاه لحسين…
………. نص وياه تصلي.. ونص تباريله
وبدت أنصار ابو السجاد.. تبرز..
.. والمنايه أتحوم… كل واحد لگد حيله
ومنهم من قضه نحبه.. بشرف وبزود..
…………………. ركضت صحبته اتشيله
وبدت تتناقص الأبطال..
…………………….. بيها ونقصت الحيله
وبده ينادي الحسين بصوت..
…………….. مسموع ويريد احد يتجيله
بعد ما ودع العباس..
….. ودموع اعله وجنه…. وصوت ينعيله
وراد أمن المخيم…. واحد أمن البيت.
……………………. يسرج صهوة كحيله
ولن زينب تصيح أبصوت..
……. طلعت والدموع اتسيل…
……….. و أبلهفه وهمس بهداي تحجيله
وتگلّـه سيدي ومولاي…
……… أكشف نحرك المهيوب..
…………………… أريد ابشفتي تكحيله
وكشف نحره.. ويريد أيشوف
……… شنهي براس زينب.. شنهي تبغيله
شمّتّـه ودمعها أيسيل..
والوجنات من دمع العقليه أصبحت تكريله
وبشهگه ونحيب وصوت…
صاحت..( يا بتول) .. اليوم..!!
………… نفذت الوصيه….. أعليج تدعيله
ودموعي البجته أدموم..
…………. نشفها الحسين ابطرف منديله
بقلمي.. الشاعر حاكم الأسدي.. العراق