صدقني
بقلم سامي محفوظ حنا
صدقني ما تمنيتش
في الدنيا غيرك
عمري ما اتصورت
تكون لغيري
وأكون لغيرك
اتمنيت أكون
سجين حضنك
أنعم بالجنة
وأنا في قربك
لكن القدر
كواني بنار بعدك
متصورش حالي بعدك
بموت مع كل خطوة
تبعدني عنك
وترجع روح ليا
لما اسمع سيرتك
أو حد ينطق
قدامي أسمك
اتاريني عايش
على نبض قلبك
كل ما بعدت
بينا المسافات
قلبي وروحي
يقربوا منك
كأنك ساكن جوايا
وانا ساكن جواك
وبعد المسافات
لاعاد يفرق
معايا ولا معاك
بقلم سامي محفوظ حنا