مواسم العاشقين
جايه تانى وجايه ليه
مش كفايه إللي كان
إيه جديد جايبه إيه
جوه قلبي مافيش مكان
قلبى مليان بإللى كان
إنت إيه ؟
فاهيميني نفسي أفهم
ولا أقولك
مش ضرورى إنتهينا من الكلام
كنتي فاهمه إني أجوبك
وإن إيدك لما مسكت إيدي
أقول . تانى أحبك
كنتي عايزاني أقول لما عيني
جات فى عينك كنتي فين
وإللى راح طيب والجراح
طيب والليالي إللى مانامت
فى ليل تسأل عليكي
وأنت فاكره إني ناسى
وإنت ظلماني وفاكره إن بعتك
جايه ليه
ولا فيه تانى كلام متحكاش
ولا جايه تشوفي عايش ولامات
إللى فات لسه عايش
بس صوره و الأصل مات
صوره إللي شوفتيها النهارده
صوره بس من إللى فات
مش حقيقه
دى مواسم عاشقين
لما تيجي بتمشي تانى
فيها ريحه
بس ريحه من اللى فات شعر على أبو السعود
جامعة الشعوب الدولية للثقافة والإنسانية 
أضف تعليق