تعال.. ارجع غيابك زاد بيّه الهم
تعال.. أصبيها عيني
دموع صبت دم
تعال.. الهرش روحي
التلَّه ضيم أجفاك يمخضرم
تعال.. أسأل نبض گلبي
العزف حزنه أعله ذاك الهم
تعال.. ألحگ نياط الروح
فزعت ليك يبن العم
تعال.. وفرزن اجروحي
النزف منها سليل الغم
تعال.. اشتاگلك گلبي
تعال أيريد يشبع شم
تعال.. اشتاگت أرموشي
تضمك طيف يالمُلهم
تعال.. أحسب چوانين العشگ بچلاي
شعّت ليلها المظلم
تعال… عيوني غثها الليل
سهرت… بالنجم تلظم
تعال… ورددّاها الساني…
يل بسمك حله المبسم
وخاف الساني من هالشوگ يتلعثم
رغم گلبي الرهيف
البيك ظل مغرم
بقلمي.. الشاعر حاكم الأسدي.. العراق