لوعة عاشق

نروح من وعدنا فين
ما هو وعد و مكتوب علينا

نقعد طول الليل ساهرنين
و الدمع نازل يغرق عنينا

علي الحال دا بقالنا سنين
و إحنا إيه اللي ب إيدينا

مين اللي زينا يا ناس مين
أهو دا اللي مكتوب علينا

الناس اللي كانوا نور العين
هما اللي بيجرحوا فينا

راضين بنصيبنا و ساكتين
و دا أمر الله و ماشي علينا

عايشين و علي الغلب صابرين
نجني اللي زرعنا ب إيدينا

حبيبي يا روحي يا ضي العين
ليه كدا تشمت عزالنا فينا

إن كنت اشكي اشكي لمين
إذا كان حبيبنا هجر أراضينا

بعد ما دوبنا في حبه سنين
جات الأيام و بيقسي علينا

ادي حكايتي يا مستمعين
مين يسمعنا و مين يداوينا

حكاية كلها آلام و أنين
كل الحبايب هجروا وادينا

بعد الغرام و بعد الحنين
تلقي الحبيب صابح ناسينا

ناسي الغرام و ناسي الحنين
منك لله ياللي ناسنا

لوعة عاشق
بقلم الملتاع
عبيد رياض محمد
23/10/2022