فاسدون
عمى أمين وسيد أفندي
رابع عشر
عمى السيد قال ياوليه
تخري شويه مافيش حنيه
طب ملاغيه
أنا مجوز ولا نسيتي
يمكن فاكره ده بيت أبوكي
قالت طيب ياسي سيد
بكره البنت رايحه الجامعه
نايمه وعنيها فيها الدمعه
محتاجه تدفع مصاريف
أول قسط مافيش تأقسيط
والواد نايم
يحلم أنه خلاص ح يسافر
لف يمين لف شمال
ولا فيش شغل فى أى مكان
وفى الدرج فاتورة ميه
وفاتورة غاز عايزه جمعيه
والكهربا جايه كتير
أعمل إيه أنا فى الفواتير
قولي ياجوزي عايزني أتاخر
نام وإتنيل
وبلاش رغى رغى كتير
نام ياسي سيد نام يا كبير
سيد أفندي قال ياوليه
أمين أفندى عملها تكيه
جاب أخرتها هو وصحابه
نعمل إيه أحنا الأوجاريه
مبقاش لينا فيها نصيب
نفسي
أخدكوا وأقول يافكيك
بس أمين يفتح لنا بابا
مش قاعد فيها ولا بواب
كل الناس نفسها تتحرر
ظلم أمين بقه حاجه تحير
كل الناس
خايفه تقول يمشى أمين
ولا يغور
قال أنا قاعد واللى ح يطلع
هو الفاجر
وإللى ح يفجر مالهوش ديه
برصاصه وحده يسيب الدنيا
نامي يامراتي وأنا أنا أسف
عمرى ما أقولك إننا راجل
شعر
على أبو السعود
جامعة الشعوب الدولية للثقافة والإنسانية 
أضف تعليق